Bata-batuta

Tumigil ang mundo
sa pag-inog.
Hindi mahila
ng batang lalaki
kabit-kabit na
eroplanong papel
pinabigan sa dulo
ng kotseng plastik.
Pagkuwa’y huminto.
Itiniklop, itinayo
mga eroplanong luno.
Lumakad pagkaraan.
Kinaladkad
lahat-lahat
na agad
nagsiyuko.
Musmos
napailing.
Mukha nagdilim.
Kasabay ng
AYOKO NAAA!!!!!!!!
Itinapon ng lahat-lahat
sa talahibang
malago.
Saka lumakad
patalon-talon,
pakumpay-kumpay pa
ang kamay
sa hanging panghapon.
Humagikgik ang mundo.
At sinimulang muling
pag-inog nito.